تبين علومي الغبره

by 3loomi Sun Oct 31, 2010 2:56 am

تبين علومي الغبره تهمك آخر أخباري

على خبرك أبد يا بنت أعد نجوم وأرقبها

أساير وقتي الظالم وأسري ليلي الساري

ولا لي بالسهر مصلوح سوى صوره أقلبها

أبروز صورتك وأخشى أعلقها على جداري

يهز الزين جدراني ويفضحني يسربها

وتشرب دمي الصوره بها موتي ترى داري

أنا ما همني موتي أخاف ذنبي يعذبها

وينشدها ضمير حي ليا جا للهوا طاري

عن أرواح غدت بالحب وزينه هو سبايبها

وقالت يا بعد حيي صدف بحري ومحاري

طعم هالموت مالذه طعون الحب جربها

وش افضحلك من همومي وش افشيلك من أسراري

طعنت الشوق في غيرك ولا أدري وش عواقبها

ولكن صورتي تكفى زهر شوقي مع أشجاري

أبيها تظل لعيونك وعيني لا تحاسبها

وقلت الموت من عينك بها سحر الهوى جاري

ودام الموت هو فنك أبيك الروح تطلبها

أبد لا تهمك طعوني الخناجرها أنا شاري

حلاة الموت بعيونك .. تكفني حواجبها